2022 оны өвлийн Олимпыг БНХАУ-ын Бээжин хотод зохион байгуулахаар товлосон. Тэгвэл Олимп, Паралимпыг зохион байгуулах хорооноос зурагт хуудсыг Бээжингийн дизайны долоо хоног 2021 арга хэмжээний үеэр танилцуулжээ.
Нийт гурван төрлийн зурагт хуудаст Олимпын бэлгэ тэмдэг, Олимп, Паралимпын сахиусны зургийг багтааж, хятад хэв маягийг ч шингээсэн юм.
2022 оны өвлийн Олимпын сахиус Бин Дуэн Дуэн гэх аварга хулсны баавгай бол Паралимпын сахиус нь Шюй Рон Рон гэх гэрэлт дэнлүү ажээ.
Улмаар Олимпыг зохион байгуулагч орны зүгээс зурагт хуудас, сахиус зэрэг нь үндэсний хэв маягийг шингээж, Олимпын амин сүнсийг алдагдуулахгүйн зэрэгцээ залуу үеийнхний эрч хүч, өвлийн спортоор хичээллэх хүсэл тэмүүллийг илэрхийлдэг байхад ихээхэн анхаарал хандуулсан гэдгийг хэлсэн байна.
Ташрамд дурдахад ирэх оны өвлийн Олимп “Нэг ирээдүйн төлөө хамтдаа” гэсэн уриан дор зохион байгуулагдах ажээ.
Эх сурвалж: The Olympics