Мексикийн армийн мэдээлж байгаагаар цэргүүд өнгөрөгч ням гарагт хойд хилтэй залгаа орших Чихуахуа мужид 17.4 гектар талбайтай марихуаны тариаланг илрүүлсэн байна.
Тариаланг ирүүлсэн армийн хэлснээр тухайн тариалангийн талбайгаас жилд нийт 11 тонн марихуаны ургац хураах боломжтой гэнэ.
Тариалангийн талбайг тус мужийн Крийл гэх тосгоноос холгүйхэн, алслагдмал бүсээс олсон байна.
Хэдийгээр Мексик улсын дээд шүүхээс засгийн газартаа хандаж, марихуаныг хувийн хэрэгцээнд ашиглах болон тодорхой хэмжээгээр тариалах зөвшөөрөл олгохыг тушаасан ч энэ мэт их хэмжээгээр тариалах нь хууль бус юм.
Тийнхүү цэргүүд марихуаны том бутнуудыг тайрч, шатаах арга хэмжээ авсан гэж мэдэгджээ.
Эх сурвалж: ABC News