Lucid Dream дуугаараа олноо танил болсон реппер Juice WRLD буюу Жэйрад Энтони Хижжинс 2019 онд 21 насандаа таалал төгссөн билээ. Хожим цагдаагийн байгууллагаас түүний үхлийн шалтгааныг тогтоосон бөгөөд тэдний баталснаар реппер мансууруулах бодис хэтрүүлэн хэрэглэсний улмаас амиа алдсан юм. Тийн харамсалтайгаар амиа алдахдаа залуу уран бүтээлч нь сүй тавьсан байсан билээ.
Түүний сүйт бүсгүй асанг Алли Лотти хэмээдэг ба тэрээр Инстаграм платформ дээр чамгүй нөлөө бүхий нэгэн юм. Хос хоёрын хувьд 2018 оноос үерхэж эхлэн төдөлгүй сүй тавиад байжээ.
Гэвч саяхан Алли Лотти нэгэн мэдэгдэл гаргасан нь түүнийг хүмүүс хос хоёрын секс бичлэгээр сүрдүүлэх болсон тул тэр өөрөө бичлэгийг олон нийтэд цацахаар төлөвлөсөн гэсэн байна. Улмаар түүний төлөвлөгөө ёсоор Алли Лотти секс бичлэгээ OnlyFans платформ дээр 29.99 ам.доллароор худалдаж, бичлэгийн хамтаар өөрийн нүцгэн зургуудыг ч хавсаргах гэнэ.
Гэсэн хэдий ч репперийн шүтэн бишрэгчдийн зүгээс түүний үгэнд үнэмшээгүйгээр зогсохгүй Алли Лоттиг амар аргаар, нас барсан хүний нэр хүндийг шимэгчлэн мөнгө олохоор оролдож байна хэмээн буруушаасан байна.
Эх сурвалж: UNILAD