БНХАУ-д нэгэн хачирхалтай, бараг л солиотой гэж болох тренд гарчээ. Энэ нь эцэг эхчүүд хүүхдийнхээ толгойн хэлбэрийг засах гэж дуулга өмсүүлэх явдал юм.
Шинэ тренд өнгөрөгч аравдугаар сараас эхлэлтэй бөгөөд боулингийн бөмбөг шиг хэлбэртэй дуулга нь дагз хэсгээрээ хавтгай толгойтой хүүхдүүдийн гавлын ясыг илүү дугараг болгох зориулалттай гэнэ. Тийнхүү зөвхөн харагдах үзэмжийн төлөө тэд хүүхдийнхээ бэхжиж амжаагүй гавлын ясыг хэвд оруулах гэж урт хугацаагаар толгойг нь дуулгаар баглах болсон байна.
Хятад улсын хувьд харагдах үзэмж, гоо сайхны асуудал ихээхэн санаа зовоодог зүйл бөгөөд охид бүсгүйчүүд гэлтгүй залуус ч өөрсдийн чадах чинээгээр нийгмийн гоо сайхны шалгуурт тэнцэх гэж хичээдэг юм.
Одоогоор тухайн дуулга нь хэдэн юанийн үнэтэй худалдаалагдаж байгаа нь тодорхойгүй ч Соху гэх мэдээний сайтын мэдээлснээр дуулга 4300 ам.долларын үнэ хүрдэг гэнэ.
Эх сурвалж: Insider