Франц улсын ерөнхийлөгч Эммануэль Макрон Францын төрийн далбаанд гүн хөх өнгийг ашиглахаар болжээ.
Гүн хөх өнгө бүхий төрийн далбаа нь Францын хувьсгалыг бэлгэддэг бөгөөд ерөнхийлөгч Эммануэль Макроны хувьд аль өнгөрсөн жилд л ерөнхийлөгчийн ордны далбааг гүн хөх өнгөтэй далбаагаар сольсон юм.
Гэхдээ Франц улсын хувьд төрийн далбаандаа хөх, гүн хөх хоёр өнгийг хоёуланг нь ашигладаг.
Францын усан цэргийн флот болон бусад албаны байгууллага бүгд гүн хөх өнгийн далбааг хэрэглэдэг ч 1976 онд ерөнхийлөгч асан Жискар д'Эстэн Европын холбооны далбаатай хослуулах үүднээс бүдэг хөх өнгийг далбаандаа хэрэглэх болжээ. Учир нь Францын төрийн далбаа ихэнх тохиолдолд Европын холбооны далбаатай зэрэгцэн байрладаг юм.
Одоогоор төрийн далбааг жигдлэн солих ямар нэг тушаал Елисей ордонд ирээгүй байна.
Гэсэн ч зарим улс төр судлаачийн зүгээс төрийн далбааны өнгийг Европын холбооны далбааны өнгөөс зөрүүлж байгааг “Европын холбоог эсэргүүцсэн дохио” гэж хүлээж авч байгаа ажээ.
Эх сурвалж: BBC