ОХУ технологийн томоохон компаниудаас 2022 он гэхэд нутаг дэвсгэр дээр нь салбар оффисоо байршуулан ажиллахыг дахин шаардлаа.
Тодруулбал, өнгөрсөн долдугаар сард хэрэгжиж эхэлсэн хуулийн хүрээнд Роскомнадзор телеком зохицуулалтын хорооноос гадаадын 13 компанийг Орос улсад оффисоо байгуулахыг шаардсан юм. Тус хууль нь өдөр тутамдаа 500 мянгаас дээш хандалттай гадаадын интернетийн компаниудыг хамрах бөгөөд дээрх 13 компанид бидний мэдэх Apple, Google, Meta, Telegram, Tiktok, Twitter зэрэг компаниуд ч багтжээ.
Хэдийгээр тэдгээр компаниудын зарим нь аль хэдийн Орос улсад салбар оффистой боловч хуульд зааснаар яг ямар чиглэлийн үйл ажиллагаа бүхий оффис хүсэж байгаа нь тийм тодорхой биш байгаа юм. Улмаар тэд шинэ хуулийн дагуу оффисоо байршуулахаас татгалзвал ОХУ-аас компаниудад үйл ажиллагаа явуулахыг хориглох, сурталчилгаа, дата цуглуулах, мөнгөн шилжүүлэг хийх зэрэг үйлдэлд нь хязгаар тогтоох арга хэмжээнүүдийг авах гэнэ.
Эх сурвалж: Engadget