Иран улс анх удаа өөрийн бие даан бүтээсэн хиймэл дагуулаа дэлхийн тойрог замд амжилттай хүргэсэн талаар орон нутгийн хэвлэлүүд мэдээлжээ.
Тус улсын төрийн мэдлийн IRNA агентлаг орон нутгийн цагаар 20-ны өдөр мэдээлснээр, Ираны Хувьсгалт гвардийн бүтээсэн хатуу түлшээр ажилладаг зөөгч пуужингаар хөөргөсөн “Сорайя” хиймэл дагуул дэлхийн гадаргаас 750 километрийн өндөрт орших тойрог замд амжилттай хүрсэн болохыг онцлов.
Энэ нь Иран улсын бие даан бүтээсэн хиймэл дагуул анх удаа дэлхийн гадаргаас 500 гаруй километрийн тойрог замд амжилттай хүрсэн явдал юм.
АНУ-ын тал өнөөдрийг хүртэл Иран улс хиймэл дагуул хөөргөж байгаа нь НҮБ-ын Аюулгүйн зөвлөлийн тогтоолыг зөрчсөн үйлдэл төдийгүй цөмийн цэнэгт хошуугаар тоноглох боломжтой баллистик пуужинтай холбоотой технологийг хөгжүүлэх аливаа үйл ажиллагааг хийх ёсгүй гэж үзэж байгаагаа мэдэгдсээр ирсэн билээ.
Иран хиймэл дагуул хөөргөснөө баталгаажуулах хүсэлтэд АНУ-ын арми болон АНУ-ын Төрийн департамент ямар нэгэн хариу өгөхгүй байгааг Associated Press агентлаг мэдээлэв.
Эх сурвалж: MBC
Ямар Т1 уншдаг юм бэ...болиоч