Олон улсын эрчим хүчний агентлагаас анхааруулснаар, ойрын хугацаанд ОХУ-ын газрын тосны олборлолт 30 гаруй хувиар буурч, дэлхий дахинаа газрын тосны нийлүүлэлт тасалдаж болох нөхцөл байдал үүсжээ. Үүнээс зайлсхийх ганц арга нь Сайдын Араб болон бусад газрын тос экспортлогч орнууд олборлолтынхоо хэмжээг нэмэгдүүлэх юм.
Тэдний мэдэгдэж байгаагаар, ОХУ-ын хувьд газрын тосны экспортынхоо хэмжээгээр дэлхийд хоёрдугаарт бичигддэг ч Украин улсад үүсээд буй нөхцөл байдал, олон улсын хоригоос үүдэн дөрөвдүгээр сард тус улс өдөрт ердөө 3 сая баррель газрын тос гаргах хязгаарлалтад орж магадгүй гэнэ.
ОХУ Украиныг булаан эзлэхээс өмнө өдөрт 10 сая баррель газрын тос нийлүүлдэг байсан юм. Гэвч тэдний эл үйлдлийг эсэргүүцэх орнууд ОХУ-тай түншлэлийн харилцаагаа цуцалж, АНУ, Их Британи, Канад, Австрали улсууд тэднээс газрын тос импортлохоо больжээ. Улмаар тэдний энэ шийдвэр Оросын газрын тосны экспортын 13 хувьд шууд нөлөөлсөн юм. Тиймээс ОХУ газрын тосны олборлолтоо бууруулахаас өөр аргагүй нөхцөл байдал үүссэн байна.
Эх сурвалж: CNN