БНХАУ-ын хэвлэлийнхний мэдээлж байгаагаар цахилгаан автомашин үйлдвэрлэгч Тесла корпорац энэ сарын 23-ны өдрөөс эхлэн Хятадын зах зээлд нийлүүлсэн 107,293 автомашиныг эргүүлэн татах болжээ.
Автомашин эргүүлэн татах ажиллагаа нь 2021 оны аравдугаар сарын 19-ний өдрөөс 2022 оны дөрөвдүгээр сарын 26-ны өдрийн хооронд үйлдвэрлэгдсэн Теслагийн Модель 3, Модель Y загварын машинуудад хамаатай юм.
Харин яагаад тэдгээр машиныг эргүүлэн татах болсон шалтгааныг тодруулбал, машины гол дэлгэцтэй холбоотой нэгэн алдаа нь автомашины ажиллагаа доголдож, цаашлаад аюулгүй ажиллагаанд нь нөлөөлөх эрсдэлтэй гэнэ.
Тиймээс Теслагийн зүгээс тэдгээр машиныг эргүүлэн татаж, үнэ төлбөргүй засварлаж өгөхийг санал болгосон байна.
Эх сурвалж: Xinhua