Өнгөрөгч долоо хоногт ре-брэндинг хийх ажлаа эхлүүлсэн Twitter буюу X компани баасан гарагт төв оффисынхоо дээвэр дээр X үсэг бүхий шинэ логогоо сүндэрлүүлсэн билээ.
Гэвч олон нийтийн зүгээс нэн ялангуяа оффисын байгууламжийн ойр орчимд амьдардаг хүмүүсийн зүгээс тэдний эл үйлдлийг хурцаар шүүмжилсэн юм. Учир нь шинэ лого оройдоо маш хурцаар гэрэлтдэг бөгөөд гэрэл нь айлуудын унтлагын өрөөний цонхоор тусаж, түвэг учруулж байсан билээ.
Тэгвэл даваа гарагт Сан Франциско хотын Барилга хяналтын хэлтсээс тус логог нэн даруй буулгахаар шийдвэрлэжээ. Шалтгаан нь логог байршуулсан цагаас хойших 72 цаг хүрэхгүй хугацаанд иргэдээс нийт 24 гомдол ирсэн байна. Улмаар Барилга хяналтын хэлтсээс X компанид торгууль ногдуулах болжээ.
Харин шийдвэрийн хүрээнд X компаниас мэдэгдсэнээр тэд логог өөрсдийн сайн дурын үндэс дээр буулгах болсон гэсэн байна.
Эх сурвалж: The Guardian