ХБНГУ-ын Дойчэ Прессэ Агентур буюу DPA мэдээллийн агентлагаас лхагва гарагт мэдээлснээр, дайн эхэлснээс хойших 91 хоногийн хугацаанд Европын Холбоо хоригийн арга хэмжээний нэг хэсэг болгон Оросын бизнесменүүдийн нийт 10 орчим тэрбум еврод дүйх хөрөнгийг царцаажээ.
Хоёрдугаар сарын хорин-дөрөвний өдөр ОХУ Украины Донбасс бүсэд цэргийн тусгай ажиллагаа явуулж эхэлснээс үүдэн олон улсын зүгээс ОХУ болоод тус улсын олигарх, бизнесменүүдийн эсрэг хориг тогтоох болсон билээ. Улмаар хоригийн арга хэмжээний хүрээнд улс орнууд хоригт багтсан хүмүүсийн хөрөнгийг царцаах болсон юм.
Тийнхүү бизнесменүүдийн гадаад улс дахь тансаг зэрэглэлийн хөлөг онгоц, үл хөдлөх хөрөнгө хийгээд бусад хөрөнгийг царцаах болсноор өнгөрөгч дөрөвдүгээр сарын наймны өдрийн байдлаар Европын Холбоо нийт 6.7 тэрбум еврод дүйх хөрөнгийг царцаасан гэж мэдээлээд байсан билээ.
Тэгвэл лхагва гараг буюу тавдугаар сарын хорин-тавны өдрийн байдлаар энэ дүн 10 тэрбумд хүрсэн байна.
Ташрамд дурдахад өдгөө Европын Холбооноос хурааж авсан хөрөнгөө захиран зарцуулах хуулийн төслийг боловсруулж байгаа ажээ.
Эх сурвалж: ТАСС
Европ устана гэлүү
Одооноос эхлэн Оросын олигархи тэрбумтнууд хэзээ ч Европод хөрөнгө оруулалт хийхгүй болсон. ААН байгуулах, үл хөдлөх хаусууд, үнэтэй машин, яахтууд худалдан авахгүй боллоо гэсэн үг. Европчууд өөрсдийгөө л дэгээдэж унагаагаад байна.
Дайн эхэлж европ хүнгүй болох нь!?