Шведийн хувцас үйлдвэрлэгч Hennes & Mauritz компани ОХУ дахь 10 салбараа нээжээ. Энэ талаар тэдний хэвлэлийн албанаас ТАСС мэдээллийн агентлагт мэдэгдсэн байна.
H&M компанийн хэвлэлийн албаныхны хэлснээр, “Одоогийн байдлаар ОХУ-ын нутаг дэвсгэр дэх манай нийт 9 салбар нээлттэй, үйл ажиллагаагаа явуулж байгаа. Үүний долоон салбар нь Москва хотод хоёр нь Санкт-Петербург хотноо байрлалтай. Мөн COS брэндийн нэг дэлгүүр ажиллаж байгаа” гэжээ.
H&M брэндийн хувьд Украины дайнаас үүдэн ОХУ дахь үйл ажиллагаагаа зогсоох болсноо мэдэгдсэн ч үлдэгдэл бараагаа борлуулж дуусгах үүднээс ийнхүү дэлгүүрээ эргүүлэн нээжээ.
Эх сурвалж: ТАСС