Лхагва гарагт криптовалютын хамгийн том бирж Binance ОХУ-ын зах зээлийг бүрмөсөн орхиж буйгаа зарлажээ.

Тэдний мэдэгдсэнээр Binance ОХУ дахь бизнесээ бүхэлд нь CommEX компанид зарна гэсэн юм. Улмаар компанийг бүрэн шилжүүлж дуусахад тэд нэг хүртэлх жилийг зарцуулна гэж тооцсон байна.

Үйл явдлын хүрээнд Binance биржээс амласнаар тэдний орос хэрэглэгчдийн бирж дэх хөрөнгө ямар ч аюулд өртөхгүй гэжээ.

Тийнхүү хэрэглэгчдийг дотооддоо шилжүүлэх үйл явц нь нарийн дэс дараатай явагдах бөгөөд Binance, CommEX нар хамтран хэрэглэгчдийг шилжүүлэх үйл явцыг тэдэнд цаг тухайд нь мэдэгдэх юм.

Эх сурвалж: ТАСС