Америкийн гудасны брэнд Каспер ямар ч нөхцөлд унтах чадвартай, мэргэжлийн нойрсогч нарыг ажилд авч байна. Тодруулбал, тус орон тооны хувьд ажил дээрээ унтах нь хүлээн зөвшөөрөгдсөн асуудал бус харин гүйцэтгэх үндсэн үүрэг юм.
Ажлын зараас үзвэл “Каспер Нойрсогч” орон тоонд бүртгүүлэх хүн нь гудасны брэндийн дэлгүүр болоод гэнэтийн бүх л нөхцөлд унтах ёстой гэнэ.
Харин нойрсогч сэрүүн үедээ хэр сайн унтсан тухайгаа бусдад хуваалцсан сошиал медиа контент бэлтгэх ёстой ажээ.
Тийнхүү ажил горилогчдын материалыг энэ сарын 11-ний өдрийг дуустал хүлээн авах юм. Харин тавигдах шалгуур нь ямар ч нөхцөлд унтдаг, аль болох их унтах хүсэлтэй, юу ч болж байсан унтаж л байдаг хүн байх ёстой гэж заасан байна.
Ташрамд дурдахад энэхүү орон тоонд тэнцвэл ажилтан унтсаныхаа төлөө цалин авч, Каспер брэндийн бүтээгдэхүүнээс хүссэн бүтээгдэхүүнээ авч хэрэглэн, өөрийн хүссэн цагаар ажиллах гэнэ.
Эх сурвалж: CNN