Лхагва гарагт дэлхийн онлайн худалдааны салбарын тэргүүлэгч Амазон компани агуулах болон тээврийн ажилчдынхаа цалинг нэмж байгаагаа зарлажээ. Ажилчдын цалинг тэд цагийн 1 ам.доллароор нэмж, өмнө нь цагийн 18 ам.долларын үнэлгээтэй ажилладаг байсан ажилчид ирэх сараас 19 ам.долларын үнэлгээтэй ажиллах болсон байна.
Амазон компанийн үзэж байгаагаар цалинг ийн нэмснээр ажилчдыг татаж, онлайн худалдааны өндөр ачаалалтай улирлыг тэд ажралгүй давах юм. Улмаар ажилчдын цалинг нэмэгдүүлснээр Амазон компанийн ирэх жилийн зардал 1 тэрбум ам.доллароор нэмэгдэх гэнэ.
Тийнхүү Амазон компанийн АНУ дахь салбарын ажилчид ажиллах бүс, албан тушаалаас хамааран цагийн 16-26 ам.долларын үнэлгээтэй ажиллах болжээ.
Амазоны хувьд дэлхий дахинаа хагас болон бүтэн цагийн нийт 1.5 сая ажилтайнтай бөгөөд тэдний дийлэнх нь АНУ-д ажилладаг юм.
Эх сурвалж: The Reuters