Мягмар гарагт Японы автомашин үйлдвэрлэгч Nissan Motor компаниас мэдэгдсэнээр тэд ОХУ-ын зах зээлийг орхисноор ойролцоогоор 100 тэрбум иен буюу 668 сая ам.долларын алдагдал хүлээх болжээ.
Тэдний мэдэгдсэнээр, “Nissan компани энэхүү шийдвэрийн улмаас ойролцоогоор 100 тэрбум иений алдагдал хүлээх боллоо. Гэвч бидний зүгээс ирэх нэг жилийн хугацаанд хөрөнгө оруулагч нарт компанийн орлого, ашгийн тухай албан бус тайлангаа хүргэх болно. Үйл явдлын хүрээнд дэлгэрэнгүй мэдээллийг ирэх сарын 22-нд нарийвчилсан үнэлгээ хийсэн хойно танилцуулна” гэсэн байна.
Ийн мэдэгдэхээс өмнө Nissan компанийн зүгээс ОХУ дахь салбараа НАМИ буюу Оросын Автомашин, Хөдөлгүүр Хөгжүүлэлт, Судалгааны Төв Хүрээлэнд худалдсанаа зарлаад байсан юм. Улмаар тэд ОХУ бүх үйл ажиллагаагаа тус хүрээлэнгийн мэдэлд шилжүүлэх болжээ. Харин худалдаа ойрын хугацаанд эцэслэгдэх юм.
Гэрээний нөхцөлд зааснаар Nissan ирэх зургаан жилийн хугацаанд тус улс дахь компаниа эргүүлэн худалдан авах боломжтой байх ажээ.
Эх сурвалж: The Reuters