Мягмар гарагт Саудын Арабын газрын тосны Saudi Aramco компани 2023 оны гуравдугаар улирлын тайлангаа танилцуулжээ. Танилцуулгаас үзвэл тэд өнгөрөгч улиралд нийт 23 хувиар буурсан үзүүлэлт бүхий ашигтай ажилласан байна.
Ройтерс агентлагаас мэдээлснээр ашиг буурахад нөлөөлсөн гол хүчин зүйл нь олон улсын зах зээлд газрын тосны үнэ буурч, Saudi Aramco компанийн экспортын хэмжээ буурсантай холбоотой гэсэн юм. Гэсэн хэдий ч тэдний өнгөрөгч улирлын ашиг шинжээчдийн тооцооллыг давж чаджээ.
Тийнхүү Saudi Aramco компаниас танилцуулснаар тэд өнгөрөгч улиралд нийт 32.6 тэрбум ам.долларын ашигтай ажилласан байна. Улмаар тэдний тайланг танилцуулсны дараагаар олон улсын зах зээлд Saudi Aramco компанийн нэгж хувьцааны үнэлгээ 0.6 хувиар өсжээ.
Эх сурвалж: The Reuters