Мягмар гарагт Их Британийн бизнесмен Грэйм Бонхам-Картер Оросын олигархи Олег Дерипаскаг АНУ-аас тавьсан хоригийн арга хэмжээнээс зугтахад тусалсан хэргээр баривчлагджээ.
АНУ-ын зүгээс 2018 онд ноён Дерипаскагийн эсрэг хориг тавьж байсан бөгөөд бизнесмен Грэйм Бонхам-Картерыг Олег Дерипаскагийн худалдан авсан үл хөдлөх хөрөнгийг санхүүжүүлсэн хэрэгт буруутгасан байна.
Мөн АНУ-ын Хууль зүйн яамнаас мэдэгдсэнээр тэд ноён Бонхам-Картерыг уран бүтээлээ зөвшөөрөлгүйгээр хил давуулсан хэрэгт давхар буруутгажээ.
Үйл явдлын хүрээнд АНУ өдгөө түүнийг шилжүүлэн авах боломжийг хүлээж байгаа юм.
2018 онд АНУ-ын хар жагсаалтад орж байсан ноён Дерипаска нь өнгөрөгч гуравдугаар сард Их Британийн хар жагсаалтад орсон Оросын цөөн хэдэн олигархийн нэг бөгөөд одоогийн байдлаар тэрээр нөхцөлт батлан даалтад гарсан байгаа ажээ.
Тийнхүү АНУ-ын зүгээс түүнийг нийт гурван зүйл ангиар яллах хүсэлтэй байгаа ба зүйл анги тус бүр ихдээ 20 жилийн ял сонсдог байна.
Эх сурвалж: BBC