Тэрбумтан Жэфф Безосын эцэг эх АНУ-ын Сиэтл хотод байрладаг Фред Хатчинсоны Хавдар судлалын Төвд 710 сая ам.доллар бэлэглэх болжээ.
Энэ нь тус төвийн түүхэн дэх хамгийн өндөр дүнтэй хандив болж байгаа бөгөөд 2022 онд хавдар судлалын төвд хандивласан хамгийн том хандивт тооцогдож байгаа юм.
Хандив хүлээн авсан төвөөс мэдэгдсэнээр тэд 710 сая ам.долларыг хавдар судлалын 36 шинэ лабораторийг санхүүжүүлэх, судалгааны томоохон байгууламж барих, эмнэлзүйн туршилтын дэд бүтцийг байгуулахад хөрөнгө оруулах болон дархлааны эмчилгээг судлахад зарцуулах гэнэ.
Фред Хатчинсоны Хавдар судлалын Төвийн ерөнхийлөгч, захирал Томас Лийнчийн хэлснээр тэрээр Безосын гэр бүлийн судалгаа, эмчилгээний салбарт хөрөнгө оруулж буй явдлыг өндрөөр үнэлж байгаа гэсэн юм.
Безосын гэр бүлийн хувьд өмнө нь 2009 онд тус төвд 68 сая ам.доллар хандивлаж байжээ.
Эх сурвалж: AP News