Баасан гарагт Турк улсын төрийн өмчит компанийн уурхайд дэлбэрэлт болж, 41 хүн харамсалтайгаар амь эрстсэнийг тус улсын ерөнхийлөгч Ресеп Тайип Эрдоган “хувь тавилан” хэмээн тодорхойлж, цаашид ч энэ төрлийн осол нь хувьд тавилан байх болно хэмээжээ.
Түүний энэ мэдэгдэл ард иргэдийг хилэгнүүлж, Станбул хотноо жагсаал зохион байгуулахад хүргэсэн байна. Улмаар зарим хүмүүсийн үзэж байгаагаар уурхайн осол нь олноор хөнөөх зохион байгуулалттай аллага байсан гэжээ.
Амиа алдагсдын төрөл төрөгсдийн мэдэгдсэнээр хохирогчид хэдэн хоногийн өмнөөс л хий үнэртэж байгаа тухай хэлж байжээ.
Гэвч үйл явдлын хүрээнд ерөнхийлөгч Эрдоган бямба гарагт ослын газар зочлохдоо, “Бид бол хувь тавилангийн зурагт итгэдэг хүмүүс. Энэ төрлийн осол нь үргэлжид хувь тавилан байх болно. Тиймээс бид ч үүнийг мэдэж байх учиртай” хэмээсэн юм.
Одоогийн байдлаар ослын шалтгаан тодорхойгүй, мөрдөн шалгах шатанд байгаа ч урьдчилсан дүгнэлтээр метаны хий хуримтлагдаж, дэлбэрэлт үүссэн гэж үзэж байгаа ажээ.
ЭХ сурвалж: BBC