Өнгөрөгч баасан гарагт спорт хувцас, гутал, хэрэглэлийн Nike брэндээс сагсан бөмбөгийн тамирчин Кайри Ирвингтэй хамтран ажиллахаа зогсоож байгаа талаар мэдэгджээ.
Тэдний мэдэгдэлд өгүүлснээр, “Бидний итгэл үнэмшлээр бол Nike компанид үзэн ядалт бүхий үг яриаг багтах газар үгүй бөгөөд бидний зүгээс бүх л төрлийн антисемитизмийг эсэргүүцэх болно.
Тиймээс манай компани Кайри Ирвингтэй тогтоосон бизнесийн харилцаагаа нэн даруй таслахаар шийдвэрлэсэн ба Кайри 8 загварын пүүзийг худалдаанд гаргахгүй. Үүсээд буй нөхцөл байдал, үүний хүмүүст үзүүлэх нөлөөнд бид гүнээ харамсаж байна” гэжээ.
Үйл явдлын хүрээнд түүний харьяалагддаг Брүүклин Нетс баг Кайриг дор хаяж 5 тоглолт дараалуулан талбайд гаргахгүй байхаар шийдвэрлэсэн билээ. Харин баасан гарагт Брүүклин Нетс багаас Кайриг багаас хасах тухай бодож байгаа эсэхийг лавлахад тэд, “Үгүй. Яг энэ цаг үед л лав биш” гэсэн юм.
Эх сурвалж: CNN