Хөл бөмбөгийн ДАШТ-ийг зохион байгуулж буй Катар улс 2036 оны Олимпыг эх орондоо зохион байгуулахаар төлөвлөж, сонгон шалгаруулалтад өөрсдийн нэрийг дэвшүүлжээ.

Энэ талаар Олимпын зохион байгуулагч орныг шалгаруулах үйл явцтай холбоотой нэгэн эх сурвалж мэдээлсэн байна.

Одоогийн байдлаар Олон улсын Олимпын Хороо хэзээ тус оны Олимпын зохион байгуулагч орныг зарлах нь тодорхойгүй байгаа юм.

Хэрэв Катар улс тус эрхийг авбал Олимпыг эх орондоо зохион байгуулсан Персийн булангийн анхны орон болох ажээ.

Тийнхүү олон улсын хэвлэл мэдээллүүдийн таамаглаж байгаагаар хэрэв Катар улс Олимпын наадмыг зохион байгуулах болбоос тэд хөл бөмбөгийн ДАШТ-ийг хойшлуулсантай ижлээр Олимпын наадмыг ч ердийнхөөс хойшлуулах гэнэ.

Эх сурвалж: Reuters