Өнгөрөгч бямба гарагт Индонези улсын Football Boots Indonesia, FC Bandung гэх хоёр клуб нөхөрсөг тоглолт хийж байх үеэр талбайд тоглож байсан тамирчин аянгад ниргүүлж, амиа алджээ. Энэ талаар мягмар гарагт The Independent сониноос мэдээлсэн байна.
Амиа алдсан тоглогчийн тухайд 35 настай Септэйн Рахаржа гэх нэгэн байсан гэнэ.
Хэвлэлийнхний мэдээлж байгаагаар Септэйн Рахаржа аянгад ниргүүлсний дараа амьсгалж байсан ч эмнэлэгт хүргэгдэх үедээ амиа алдсан гэнэ.
Улмаар Септэйн Рахаржа хөлбөмбөгийн тоглолтын үеэр талбай дээр аянгад ниргүүлж, харамсалтайгаар амиа алдсан хамгийн сүүлийн үеийн тохиолдлоор бүртгэгджээ. Үүнээс өмнө өнгөрөгч онд мөн Индонези улсад U-13 насны ангилалд тоглож байсан өөр нэгэн тамирчин аянгад ниргүүлж, 20 минут ухаангүй байсны эцэст амьсгал хураасан харамсалтай тохиолдол бүртгэгдсэн билээ.
Эх сурвалж: NY Post