Их Британийн Лондон хот дахь нэгэн шивээсний студи Кание Уэстийн шивээстэй хүмүүсийн шивээсийг үнэгүй арилгаж өгөх болжээ.

Үүний шалтгаан нь Кание Уэст еврейчүүдийг эсэргүүцэх үзлийг сурталчилж, Хитлерийг магтсантай холбоотой юм.

Кание Уэстийн хувьд өнгөрөгч аравдугаар сард “White Lives Matter” буюу “Цагаан арьстнуудын амьдрал ч хамаатай” гэх утга бүхий богино ханцуйтай цамц өмсөж, еврейчүүдийг эсэргүүцэх үзлийг сурталчилсан агуулга бүхий жиргээ хэд хэдийг нийтэлснээр олон нийтийн эсэргүүцэлтэй тулгарах болсон. Улмаар түүний шүтэн бишрэгчид түүнээс нүүр буруулан, түүнтэй холбогдолтой шивээсээ арилгуулах болсон юм.

Тэгвэл үйл явдлын хүрээнд NAAMA студи өнгөрөгч сарын 15-нд нэгэн мэдэгдэл гаргасан нь Кание Уэстийн шивээстэй хүмүүсийн шивээсийг үнэгүй арилгаж өгнө хэмээжээ. Учир нь тэдний зүгээс Анти-семитизмийг сурталчилсан, Хитлерийг хөхиүлэн дэмжсэн хүнийг эсэргүүцсэн байр суурьтай байхаа илэрхийлсэн байна.

NAAMA студийг тус мэдэгдлээ хийснээс хойш нийт 3 хүн тухайн студид хандаж, шивээсээ арилгуулсан бол 10 хүн шивээс арилгуулахаар цаг авчээ.

Эх сурвалж: CNN