ХБНГУ-ын Батлан хамгаалах яамны сайд Кристин Ламбрехт удаа дараа бүдүүлэг алдаа гаргасны улмаас албан тушаалаа хүлээлгэн өгчээ.
Тодруулбал, олон нийтийн зүгээс хатагтай Ламбрехтийг ХБНГУ-ын Зэвсэгт хүчнийг хангалттай сайжруулж чадахгүй байна гэж үзсэн бөгөөд тэрээр саяхан Украин улсад 5,000 цэргийн дуулга нийлүүлэх болсноо зарлахад ард иргэд түүнийг дооглосон байна. Үүгээр ч зогсохгүй тэр хувийн аялалдаа цэргийн зориулалттай нисдэг тэрэг хөлөглөсөн нь илчлэгдсэнээр олны шүүмжлэлийг ихээр хүртэх болсон юм. Тийнхүү удаа дараагийн хурц шүүмжлэлээс үүдэн тэрээр албан тушаалаа хүлээлгэн өгсөн байна.
Түүний зүгээс уг шийдвэрийг олонд зарлахдаа, “Хэвлэл мэдээллийнхний анхаарал олон сар над дээр л төвлөрөх болсноор тэд цэргүүд, зэвсэгт хүчин, улс орны аюулгүй байдал, бодлогод анхаарахаа больжээ. Гэвч угтаа цэргүүдийн хичээл зүтгэл, манай салбарт зүтгэж буй хүмүүсийн хөдөлмөрийг нэн тэргүүнд тавих учиртай юм” хэмээн тайлбарлажээ.
Эх сурвалж: BBC