Японы засгийн газар Украинд түрэмгийллээ үргэлжлүүлж байгаа ОХУ-ын иргэд болон аж ахуй нэгжид нэмэлт хориг арга хэмжээ авахаар шийджээ.

Японы засгийн газар орон нутгийн цагаар 1-ний өдөр болсон Засгийн газрын хуралдаанаар ОХУ-ын 8 байгууллага, 12 иргэний хөрөнгийг битүүмжлэх шийдвэр гаргасан тухай Киодо Ньюс агнтлаг мэдээлэв.

Уг шийдвэрийн хүрээнд Украинаас хүүхэд хулгайлсан хэрэгт холбоотой байж болзошгүй Оросын орон нутгийн засаг захиргааны албан тушаалтнууд ч багтсан гэж мөн тус мэдээнд онцолсон байна.

Үүнээс гадна Японы засгийн газрын зүгээс Оросын аж үйлдвэрлэлийн салбарыг бэхжүүлэхэд шаардлагатай бараа бүтээгдэхүүнийг экспортлох, ОХУ-д үйлдвэрлэсэн үйлдвэрлэлийн бус алмазыг шууд бусаар импортлохыг хориглох шийдвэр гаргажээ.

Украины дайны хоёр жилийн ойг тохиолдуулан өнгөрсөн сард зохион байгуулагдсан “Их 7”-гийн бүлгийн дээд хэмжээний уулзалтын үеэр ОХУ-ын эсрэг нэмэлт хориг арга хэмжээ авах бодолтой байгаагаа Японы ерөнхий сайд Фумио Кишида илэрхийлж байсан билээ.

Эх сурвалж: MBC