Украины ерөнхийлөгч Володимир Зеленський Европын Холбооны дээд хэмжээний уулзалтад оролцохоор Бельгийн нийслэл Брюссель хотод орон нутгийн цагаар 9, 10-ны өдрүүдэд айлчлахаар төлөвлөж байгаа аж.
Өнгөрөгч 6-ны өдөр Financial Times сонинд мэдээлснээр, Европын холбооны зүгээс ерөнхийлөгч Зеленськийн энэ удаагийн Брюссель хотноо хийх айлчлалын талаарх мэдээг ихэд нууцалж байгаа хэмээн онцолжээ. Энэ үеэр ерөнхийлөгч Зеленський Европын парламентад үг хэлж, дараа нь Европын холбооны дээд хэмжээний уулзалтад оролцох төлөвлөгөөтэй байгаа аж.
Хэрэв энэхүү төлөвлөгөө бодитоор хэрэгжсэн тохиолдолд өнгөрсөн оны хоёрдугаар сард Орос-Украины дайн эхэлснээс хойш ерөнхийлөгч Зеленськийн Европт хийх анхны айлчлал болох юм. Бүр тодруулбал өнгөрсөн оны арванхоёрдугаар сард АНУ-д айлчилснаас хойш гадны орнуудад хийж буй хоёр дахь албан ёсны айлчлал болох аж. Гэвч аюулгүй байдлын үүднээс түүний Европт хийх айлчлалыг Европын холбоо цуцалж магадгүй гэсэн байр суурьтай байгаа тухай мэдээ мөн гараад байгаа юм.
Эх сурвалж: Maeil