Цахим уулзалт, хурал зохион байгуулахад зориулагдсан Zoom платформ ажилчдынхаа 15 хувийг цомхотголд оруулах болжээ. Улмаар орон тооны цомхотгол тус компанийн нийт 1,300 орчим ажилтныг хамрах гэнэ.
Мөн тэдний зүгээс ажилчдынхаа цалинг танахаар ч төлөвлөсөн болохыг Zoom платформын удирдлага мэдэгджээ.
Тус компанийн захирал Эрик Юаны хэлснээр, “Дэлхий нийт цар тахлын дараах амьдралдаа шилжиж байгаа энэ үед хэрэглэгчид хийгээд бизнесийн байгууллагууд Zoom платформд ихээхэн итгэл хүлээлгэж байгааг бид харж байна.
Гэвч дэлхийн эдийн засгийн ойлгомжгүй байдал, үүний үр нөлөөнөөс улбаалан бид хэцүү хэдий ч маш чухал нэгэн шийдвэрийг гаргалаа. Ингэснээр бид платформынхоо урт хугацааны алсын харааг тодорхойлж, эдийн засгийн орчин нөхцөлдөө нийцүүлэн ажиллах боломж бүрдэх юм” гэжээ.
Эх сурвалж: BBC