Ням гарагт Итали улсын Кротон хотыг зорьж явсан завь живж, хөлөг дээр зорчиж байсан 60 орчим цагаач амиа алджээ. Зорчигчдын тухай мэдээллийг тодруулбал, Афганистан, Пакистан, Сомали, Иран улсын хэсэг бүлэг хүн Европ тивд цагаачлахаар явж байсан гэнэ.
Харамсалтай нь завь Кротон хотод зангуугаа буулгах байсан ч Итали улсын өмнөд хэсэгт эвдэрч, живсэн байна. Улмаар 59 хүн амиа алдсаны 12 нь бага насны хүүхэд байжээ.
Итали улсын холбогдох албаныхны мэдээлснээр зорчигчдоос 30 орчим хүн сураггүй байгаа гэнэ.
Эргийн хамгаалагчдын хэлснээр завины ослоос 80 хүн амь гарсан байна. Тэдний зарим нь аврах багийнхан ирэхээс өмнө өөрсдөө эрэг дээр гарч ирсэн гэнэ.
Одоогийн байдлаар завин дээр яг хэчнээн хүн зорчиж явсан мэдээлэл тодорхойгүй байгаа юм. Гэвч AFP мэдээллийн агентлагаас мэдээлснээр завин дээр нийт 200 гаруй хүн явж байсан гэжээ. Хэрэв энэ мэдээлэл үнэн болбоос сураггүй алга болсон хүний тоо 60 болох юм.
Эх сурвалж: BBC