Европын холбоо: ОХУ-д аваачсан Украин хүүхдүүдийг эх оронд нь буцаах асуудлаар ОУ-ын хурал зохион байгуулах хэрэгтэй
2023, 3 сарын 24. 12:090

Франс Пресс агентлагийн орон нутгийн цагаар 23-ны өдөр мэдээлснээр, Европын комиссын ерөнхийлөгч Урсула фон дер Ляйен дайны үеэр ОХУ руу албадан нүүлгэн шилжүүлсэн Украин хүүхдүүдийг эх оронд нь буцаах олон улсын бага хурлыг зохион байгуулах төлөвлөгөөтэй байгаагаа мэдэгдсэн талаар онцлов.

Европын холбооны дээд хэмжээний уулзалтын дараа тэрээр “Хүүхдийг албадан гаргах ажиллагаа өнөөг хэр нь явагдсаар байгаа ба энэ нь дэлхийн түүхэн дэх хамгийн хар бараан үеүүдийн нэгийг эргэн сануулж буй тун аймшигт явдал бөгөөд дайны гэмт хэрэг юм" хэмээгээд Польшийн ерөнхий сайд Матеуш Моравецкитэй хамтран тэдгээр хүүхдүүдэд эх орондоо буцаж ирэх боломжийг бүрдүүлэхийн тулд олон улсын дэмжлэгийг дайчлах болно гэдгээ мэдэгдсэн байна.

Тэрээр үргэлжлүүлэн “Одоогоор ОХУ руу албадан нүүлгэн шилжүүлсэн 16200 украин хүүхдийн 300 нь л буцаж ирсэн. Энэхүү гэмт хэргийг үйлдэж буйнх нь төлөө ОХУ-ын удирдагчид Олон улсын эрүүгийн шүүхээс баривчлах тушаал гаргасан нь бүрэн үндэслэлтэй” хэмээн тэрээр нэмж дурдав.

Хэрэг явдлыг эргэн сануулбал Олон улсын эрүүгийн шүүхийн зүгээс өнгөрөгч 17-ны өдөр Оросын армид эзлэгдсэн Украины нутаг дэвсгэрээс олон мянган хүүхдийг хууль бусаар албадан гаргаж буй дайны гэмт хэрэгт Оросын талыг хариуцлага хүлээх ёстой хэмээн үзэж ерөнхийлөгч Владимир Путиныг баривчлах тушаал гаргасан билээ.

Украины засгийн газрын мэдээлснээр, өнгөрсөн оны хоёрдугаар сарын 24-ний өдөр халдан түрэмгийлэл эхэлсэн цагаас хойш ОХУ 16 мянга гаруй украин хүүхдийг өөрийн улс руу албадан шилжүүлсэн бөгөөд өдгөө тэд асрамжийн газар, хүүхдэд зориулсан төрөл бүрийн төвүүдэд хуваагдан байрлаж байна хэмээн цохон тэмдэглэсэн аж.

"Бид НҮБ-ын агентлагууд болон олон улсын холбогдох байгууллагуудад Орос руу албадан гаргасан хүүхдүүдийн талаарх илүү бүрэн дүүрэн, сайн мэдээлэл олоход дэмжлэг үзүүлэх болно. Үүнд үрчлэгдсэн эсвэл Орос дахь асрамжийн газарт шилжүүлсэн хүүхдүүд ч багтана” хэмээн Фон дер Ляйен мэдэгдэв.

Эх сурвалж: Yonhap

Энэ мэдээнд өгөх таны сэтгэгдэл?
0
0
0
1
0
1
0
Сэтгэгдэл үлдээх
Нийт 0 сэтгэгдэл
Онцлох мэдээ
Амьдрахад 9 сар л үлдсэн эмэгтэйн нөхрөөсөө гуйсан сүүлийн хүсэл нь урьд учирч байсан залуутайгаа дахин нэг удаа ойртох байжээ
02024-3-19 18:47
Караокений төхөөрөмжийг зохион бүтээгч Шигеичи Негиши 100 насандаа таалал төгсжээ
02024-3-19 17:47
Пи тооны 105 их наяд орныг тооцоолж дээд амжилт тогтоожээ
02024-3-19 15:06
АНУ-д асбест хэрэглэхийг хоригложээ
02024-3-19 14:19
Аважи арал дээр нисдэг машины туршилт хийжээ
02024-3-19 14:17
Япон улс бодлогын хүүгээ нэмэгдүүллээ
02024-3-19 13:48
Ж.Инфантино хүчирхийллийг буруушаасан мэдэгдэл гаргалаа
02024-3-19 12:00
Сансарт цөмийн зэвсэг байрлуулахгүй байхыг АНУ, Япон уриалав
02024-3-19 11:57
Хятадад гэрлэлтийн тоо сүүлийн есөн жилийн хугацаанд анх удаа өсжээ
02024-3-19 11:48
Финландын их сургуулиудыг төгсөгчдөд байнга оршин суух зөвшөөрөл олгоно
02024-3-19 11:45