Францын парламент орон нутгийн цагаар 4-ний өдөр эмэгтэйчүүдийн үр хөндөлт хийлгэх эрхийг Үндсэн хуулиар хамгаалах тухай хуулийн төслийг баталжээ.
Ингэснээр Франц улс үр хөндөлт хийх эрхийг үндсэн хуулиар баталгаажуулсан дэлхийн анхны улс болов.
Францын Сенат болон Төлөөлөгчдийн танхим энэ өдөр Парис хотын ойролцоох Версалийн ордонд хамтарсан хурал хийн үндсэн хуульд нэмэлт өөрчлөлт оруулах тухай санал хураалт явуулахад 780 гишүүн дэмжиж, 72 гишүүн эсэргүүцсэнээр уг саналыг баталсан байна.
Энэхүү шийдвэрийн хүрээнд Францын Үндсэн хуулийн 34 дүгээр зүйлд “Эмэгтэйчүүд өөрийн хүслээр жирэмслэлтийг таслах эрх хуулиар баталгаажсан болно” гэх заалтыг нэмж оруулах аж.
Эх сурвалж: SBS