Даваа гарагт Ройтерс агентлагт эх сурвалжийн мэдээлснээр АНУ-ын хууль батлагчдаас бүрдсэн хоёр намын бүлэг Форд Мотор болон Женерал Моторс компанийн гүйцэтгэх захирлуудад Хятадын бараа бүтээгдэхүүнээс хамааралтай байдлаа бууруулахыг уриалсан гэжээ. Хятадын бараа бүтээгдэхүүн гэдэгт түлхүү автомашины эд анги, нэн ялангуяа цахилгаан автомашины зай багтаж байгаа юм.

Улмаар хууль батлагчдын төлөөлөл болж дөрвөн хүн мягмар гарагт Форд компанийн Жим Фэрли, Женерал Моторсын Мэри Барра нартай уулзах гэнэ.

Үйл явдлын хүрээнд Ройтерс агентлаг Форд Мотр компанид хандахад тэд АНУ-ын олон улсад өрсөлдөх чадварыг нэмэгдүүлэхээр ажиллана хэмээсэн бол Женерал Моторсын зүгээс ямар нэг тайлбар хийхээс татгалзжээ.

Төлөөлөгчдийн энэ уриалга даваа гарагт АНУ-ын Төрийн нарийн бичгийн дарга Энтони Блинкен Хятадын төрийн өндөр албан тушаалтнуудтай уулзаж, онцлох үр дүнд хүрээгүйгээс хойш хэдхэн цагийн дараа автомашин нийлүүлэгч нарт хүрсэн байна.

Эх сурвалж: The Reuters