Өнгөрөгч долоо хоногийн баасан гарагт Barbie болон Oppenheimer кинонууд олон улсын кино театруудад зэрэг нээлтээ хийсэн билээ.
Тэгвэл ням гарагт Warner Bros кино компаниас мэдэгдсэнээр АНУ болон Канад улсын бокс оффисыг Barbie кино тэргүүллээ гэжээ. Тэдний мэдээлснээр Barbie кино нээлтээ хийсэн эхний өдрүүддээ нийт 155 сая ам.долларын ашиг олсон гэсэн юм. Харин BBC сувгаас мэдээлснээр тус кино олон улсын зах зээлд нийт 337 сая ам.долларын ашиг олжээ.
Тэдний өрсөлдөгч Universal Pictures кино компанийн бүтээсэн Oppenheimer киноны хувьд АНУ-ын зах зээлд нийт 93.7 сая ам.долларын ашиг олсон гэнэ. Шинжээчид хийгээд кино сонирхогчдын таамаглаж байгаагаар Oppenheimer кино бокс оффист орлогын хэмжээгээр Barbie киног давахгүй ч найруулагч Кристофер Ноланы найруулсан кинонуудаас илүү амжилттай нээлт хийнэ гэжээ.
Эх сурвалж: BBC