Өнгөрөгч оны сүүлээр ОХУ-ын ерөнхийлөгч Владимир Путин Оросын газрын тосны үнэд хязгаарлалт тогтоосон улс орнуудад газрын тос худалдахыг хориглосон тогтоолыг баталсан билээ. Тэгвэл даваа гарагт тэр тус тогтоолынхоо хүчинтэй хугацааг сунгажээ.

Тогтоолын хувьд анхлан батлагдсанаар өнгөрөгч хоёрдугаар сарын нэгнээс долоодугаар сарын нэгний хооронд хүчинтэй үйлчлэх байсан юм. Гэвч ноён Путины сунгаснаар энэ оныг дуустал хүчинтэй үйлчлэх болсон байна.

Тийнхүү ОХУ энэ оныг дуустал тэдний газрын тосны үнэд хязгаар тогтоосон улс орнуудад газрын тос хийгээд газрын тосны бүтээгдэхүүнээ худалдахгүйгээр шийдвэрлэжээ.

Эх сурвалж: ТАСС