Их Британийн газрын тос, байгалийн хийн Shell компани Оросын эрчим хүчний зах зээлийг орхихоор амласнаасаа хойш жил гаруйн хугацаанд тэдний байгалийн хийг зарсаар байгаа тухай BBC суваг мэдээлжээ. Тодруулбал, 2022 онд Shell компани Оросын байгалийн хийн усан замын нийт экспортын наймд нь тодорхой хэмжээгээр оролцсон байна.
Энэхүү мэдээллийн хүрээнд Украины ерөнхийлөгч Володимир Зеленськийн зөвлөх Олег Устенкогийн хэлснээр Shell компани цустай мөнгө хүлээн авч байна гэсэн юм.
Харин Shell компаниас тайлбарласнаар тэд ердөө л урт хугацааны гэрээнийхээ хүрээнд хүлээсэн үүргээ гүйцэтгэж байгаа гэсэн бөгөөд ямар ч хууль тогтоомж, хоригийн арга хэмжээг зөрчөөгүй гэжээ.
ОХУ Украины нутаг дэвсгэрт цэргийн тусгай ажиллагаа явуулж эхэлснээс хойш барууны улс орнууд тэднийг эсэргүүцэн хэд хэдэн хориг тавьсан юм. Улмаар Оросын байгалийн хий, газрын тосны экспортод хориг тавьсны дараа ч Shell компани тэдний байгалийн хийг худалдан авч байгааг хэвлэлийнхэн онцлоход Shell уучлалт гуйн Оросын байгалийн хий, газрын тосны бүтээгдэхүүнээс татгалзахаар зорьж байгаа хэмээж байсан билээ. Гэвч тийн мэдэгдсэнээс хойш өнөөг хүртэл тэд Оросын шингэрүүлсэн байгалийн хийг экспортолж байна.
Эх сурвалж: BBC