Оросын дуучин, дуу зохиогч Григорий Лепс Украины нутаг дэвсгэрт явагдаж буй цэргийн тусгай ажиллагаанд украинчуудын ашиглаж байгаа Леопард танкийг устгасан цэрэгт 1 сая рубль өгнө гэж амлаж байсан билээ. Тэгвэл тэрээр энэ мягмар гарагт хэлсэн үгтээ хүрчээ.
Энэ талаар Григорий Лепс өөрийн Телеграм хуудаснаа нийтэлсэн бөгөөд түүний бичсэнээр, “Би амлалтаа биелүүллээ” гэсэн байна. Мөн тэрээр өөрийн Телеграм хуудаснаа 1 сая рублийн шагнал авсан цэргийн өөрт нь талархаж буй бичлэгийг оруулжээ.
ТАСС мэдээллийн агентлагаас мэдээлснээр энэ төрлийн шагналыг анх зургаадугаар сард Санкт-Петербург хотноо олгож байсан юм. Барууны зэвсгийг хөрснөөс арчин хаясан цэргүүдийг шагнах санаачилгыг анхлан Земляне хамтлагийн үүсгэн байгуулагч, продюсер Владимир Киселев гаргаж байжээ.
Эх сурвалж: ТАСС