2011 онд Фукушима Дайчи атомын цахилгаан станцад гарсан ослын дараа Европын холбооны зүгээс авч хэрэгжүүлсэн Япон хүнсний импортод тавьсан хязгаарлалтаа албан ёсоор цуцаллаа.
Бельгийн Брюссель хотноо орон нутгийн цагаар 13-ны өдөр зохион байгуулагдсан Европын холбоо болон Японы дээд хэмжээний уулзалтын дараа Европын комиссын ерөнхийлөгч Чарльз Мишель хэлэхдээ “Европын холбоо нь Фүкүшимагийн хүнсний бүтээгдэхүүнийг импортлохыг дахин зөвшөөрөх шийдвэрийг гаргалаа” гэжээ.
Уг журмыг цуцалснаар Фүкүшима мужийн загас, мөөг, Мияги мужийн хулсны найлзуур зэрэг 10 мужаас хүнсний бүтээгдэхүүн импортлохдоо Япон улс нь Европын холбооноос шаарддаг цацраг идэвхт бодисын хяналтын гэрчилгээг өгөх шаардлагагүй болж буй аж.
Хэвлэлийн бага хуралд оролцсон Японы ерөнхий сайд Фумио Кишида Европын холбооны шийдвэрийг "гамшгийн бүс нутгийг сэргээхэд ихээхэн дэмжлэг үзүүлж байгааг өндрөөр үнэлж, сайшааж байна” гэдгээ онцлон “шинжлэх ухааны үндэслэлтэй шийдвэр боллоо” хэмээн цохон тэмдэглэв.
Европын холбооны шийдвэрт үндэслэн Японы тал Өмнөд Солонгос, Хятад зэрэг импортын хоригийг өнөөг хэр нь хэрэгжүүлсээр буй орнуудад шахалт үзүүлэх магадлал өндөр байгаа юм. Өмнөд Солонгосын хувьд одоогоор найман мужаас далайн гаралтай бүтээгдэхүүн импортлохыг хориглосон хэвээр байгаа аж.
Эх сурвалж: Asiae