АНУ-ын цахилгаан автомашин үйлдвэрлэгч Тесла компани орон нутгийн цагаар 20-ны өдөр автомашиныхаа үнийг үргэлжлүүлэн бууруулж болзошгүй хэмээн мэдэгдсэн явдал нь хувьцааны үнэ огцом унахад нөлөөлснөөр компанийн гүйцэтгэх захирал Илон Маскийн хөрөнги 20.3 тэрбум ам.доллароор буурчээ.

Тодруулбал Bloomberg News агентлагийн мэдээлснээр, аль хэдийн муудаад буй ашиг, орлогын хэмжээ цаашид ч улам буурч болзошгүй хэмээн анхааруулсны дараа Нью-Йоркийн хөрөнгийн бирж дээрх Теслагийн хувьцааны үнэ 9.74 хувиар буурч, 262.90 ам.долларт хүрсэн нь өнгөрөгч 4-р сарын 20-ны өдрөөс хойш хамгийн өндөр дүнгээр буурсан үзүүлэлт болсон байна.

Тус компанийн автомашины салбарын нийт ашиг өнгөрөгч 2-р улиралд сүүлийн дөрвөн жилийн хугацаан дахь хамгийн доод түвшинд хүрч буурсан явдал нь энэ жил автомашиныхаа үнийн бууруулсантай яах аргагүй холбоотой.

Үүний хариуд Маск зээлийн хүү өссөөр байвал бид автомашиныхаа үнийг үргэлжлүүлэн бууруулахаас аргагүй хэмээн мэдэгджээ.

Теслагийн хувьцааны үнэ буурсантай холбоотойгоор Илон Маскийн хөрөнгө 234,4 тэрбум ам.доллар болж буурсан байна.

Эх сурвалж: MBC