Ирэх наймдугаар сарын тавны өдөр АНУ-д Үндэсний гичийн өдөр тохиож байгаа билээ. Тэгвэл эл өдрийг тохиолдуулан Skittles чихрийн үйлдвэрлэгчид French’s хоолны амтлагч, туслах материал үйлдвэрлэгчтэй хамтран гичийн амттай Skittles чихрийг гаргах болжээ. Гэхдээ тус чихрийг өргөн худалдаанд гаргахгүй юм.
CNN агентлагаас мэдээлж байгаагаар тус хачирхалтай чихрийг идэж үзэхийг хүсвэл худалдан авагчид French’s компанийн Атланта, Вашингтон, Нью-Йорк хотуудаар дайрах “Mustard Mobile” аяллын автобусыг зорих хэрэгтэй гэнэ. Харин “Mustard Mobile” автобусаар зочлох боломжгүй бол Skittles чихрийн хорхойтнууд тэдний зохион байгуулж буй сугалаанд оролцон нэг хайрцаг, гичтэй Skittles чихрийг хожих боломжтой ажээ.
Эх сурвалж: CNN