Лхагва гарагт CNBC сувгаас мэдээлснээр цахим худалдааны Amazon компанийн охин компани болох Fresh хүнсний дэлгүүрийн салбарууд орон тооны цомхотгол хийх болжээ.
Үйл явдлын хүрээнд тус компаниас мэдээлснээр тэд АНУ дахь сүлжээ дэлгүүрүүдийнхээ бүтэц хийгээд үйл ажиллагааны загварт өөрчлөлт оруулах болсон тул орон тооны цомхотгол хийх болсон гэсэн юм.
Fresh хүнсний дэлгүүрийн хувьд нийт 44 салбар дэлгүүртэй бөгөөд тэдний хэлж байгаагаар орон тооны цомхотгол голдуу тус компанийн “бүсийн удирдлагууд”-ыг хамарна гэжээ.
Amazon компаниас мэдэгдсэнээр орон тооны цомхотголд орсон ажилтнууд компанийн бусад охин компанид өөр албан тушаалд ажил горилж болно гэсэн байна. Тэдний зүгээс өнгөрөгч оноос эхлэн орон тооны цомхотгол хийж эхэлсэн бөгөөд одоогийн байдлаар нийт 27,000 хүнийг орон тооны цомхотголд хамруулаад байгаа юм.
Эх сурвалж: CNBC