Мягмар гарагт Австралийн Төв банкны Мөнгөний бодлогын хороо хуралдаж, бодлогын хүүгээ өөрчлөхгүй байх шийдвэрийг гаргажээ. Ингэснээр тус улсын бодлогын 4.1 хувьтай хэвээр үлдсэн байна.
Австралийн Нөөцийн банкны хувьд тийнхүү хоёр дахь сардаа бодлогын хүүгээ өсгөхгүй байх шийдвэрийг гаргаж байгаа юм. Гэсэн хэдий ч тус улс дахь инфляц өндөр хувьтай хэвээр байгаа ажээ.
Австралийн Төв банкны хувьд өнгөрөгч оны тавдугаар сараас хойш инфляцын өсөлттэй тэмцэхээр бодлогын хүүгээ 12 удаа өсгөсөн ч инфляц тэдний зорилтот түвшинд хүрч буурахгүй байгаа юм. Гэвч бодлого боловсруулагчдын хэлж байгаагаар тэдний авч хэрэгжүүлсэн арга хэмжээ үр дүнгээ өгч байгаа эсэхийг мэдэхэд тодорхой хугацаа шаардлагатай байгаа гэнэ.
Тус улсын инфляцын хувьд өдгөө 6 хувьтай байгаа ч төв банкны ерөнхийлөгчийн үзэж байгаагаар энэ нь хэт өндөр үзүүлэлт юм. Улмаар түүний анхааруулснаар Австралийн Төв банк ирэх саруудад бодлогын хүүгээ өсгөх магадлалтай гэжээ.
Эх сурвалж: AP News