Цахим худалдааны Амазон компани АНУ дахь ажилтнууддаа оффисоос ажиллахыг сануулсан анхааруулга бүхий цахим шууданг хүргүүлжээ. Улмаар тэд зарим ажилтнуудаа долоо хоногийн гурван өдөр оффисоос ажиллах шаардлагыг биелүүлэхгүй байна хэмээн зэмлэсэн байна.
Амазон компанийн хувьд өнгөрөгч тавдугаар сард АНУ дахь ажилтнуудынхаа хүрээнд долоо хоногт дор хаяж 3 өдөр оффисоос ажиллах журмыг баталсан юм. Гэвч зарим ажилтан өнгөрөгч найман долоо хоногийн хугацаанд тав болон түүнээс олон долоо хоног, өнгөрөгч дөрвөн долоо хоногийн хугацаанд гурав болон түүнээс олон долоо хоног оффисоос гурав хүрэхгүй хоног ажилласан ажээ. Тиймээс компанийн холбогдох албанаас тухайн ажилтнуудад анхааруулга хүргүүлсэн нь тэр гэнэ.
Үйл явдлын хүрээнд тус компанийн зүгээс хүлээн зөвшөөрснөөр тэд зарим ажилтнуудад цахим шууданг андуурч явуулсан гэжээ.
Эх сурвалж: BBC