Спортын хувцас, хэрэглэл үйлдвэрлэгч Nike компани зардлаа бууруулахын тулд АНУ дахь төв оффисынхоо 700 орчим ажилтныг цомхотгохоор шийджээ.

Nike компанийн дэд ерөнхийлөгч Мишель Адамс компанийн төв байр байрладаг Орегон мужийн эрх баригчдад илгээсэн албан бичигтээ ирэх 6-р сарын эцэс гэхэд төв оффисынхоо 740 орчим ажилтнаа цомхотгохоор шийдсэн тухайгаа мэдэгдсэнийг орон нутгийн цагаар 19-ний өдөр Bloomberg болон Reuters агентлагууд мэдээлэв.

Nike компанийн гүйцэтгэх захирал Жон Донахо өнгөрсөн оны арванхоёрдугаар сард ойрын гурван жилийн хугацаанд дэлхий даяарх ажилчдынхаа тоог 2 хувиар буюу 1600 орчмоор цөөлснөөр 2 тэрбум ам.доллар хэмнэнэ гэж мэдэгдэж байсан билээ.

Түүнээс хойш тус компани анхны цомхотголоо өнгөрөгч хоёрдугаар сард хийсэн бөгөөд энэ удаагийнх хоёр дахь нь болж буй юм.

Борлуулалт удааширч байгаа энэ үед Nike компанийн хувьцааны үнэ энэ он гарсаар 13 орчим хувиар буураад байна. Тухайлбал өнгөрөгч 19-ний өдрийн арилжаагаар 0.14 хувиар буурчээ.

Эх сурвалж: SBS Biz