Ням гарагт Хятадын Гаалийн ерөнхий газраас танилцуулсан тоон мэдээллээс үзвэл өнгөрөгч долоон сарын хугацаанд тус улсын шар буурцгийн импорт 62.3 сая тоннд хүрчээ. Энэ нь 2022 оны мөн үетэй харьцуулахад 15 хувиар өссөн үзүүлэлт юм.

Улмаар “China Daily” Хятадын өдөр тутмын сониноос мэдээлснээр долоодугаар сард БНХАУ нийт 9.73 сая тонн шар буурцаг импортолсон нь өнгөрөгч оны мөн үед импортолсон нийт шар буурцгаас 2 сая орчим тонноор илүү үзүүлэлт гэнэ. Харин шар буурцгийн үнэ өнгөрөгч оны эхний 7 сартай харьцуулахад тонн тутамд 1.3 хувиар өссөн байна. Тийнхүү өдгөө нэг тонн шар буурцгийг БНХАУ 4,334.6 юаниар худалдан авч байгаа юм.

Ташрамд дурдахад, БНХАУ-ын хувьд дэлхийд шар буурцгийн импортоороо тэргүүлдэг бөгөөд өнгөрсөн жилд л гэхэд нийт 91.08 сая тонн шар буурцаг импортолжээ.

Эх сурвалж: China Daily