Япон улс нь Умард Солонгос, Хятад болон Орос зэрэг улсуудын эзэмшиж буй хэт авианы пуужингийн эсрэг АНУ-тай хамтран сөнөөгч пуужин бүтээхээр шийдсэн тухай Японы Иомиури Шимбун сонин мэдээлэв.

Тус сонины мэдээлснээр, энэ сарын 18-ны өдөр АНУ-ын Вашингтон хотын ойролцоох Кэмп Дэвид хотноо Америк-Японы дээд хэмжээний уулзалтыг зохион байгуулах ба энэ үеэр хоёр тал сөнөөгч пуужин хамтран бүтээхээр болсон тухайгаа албан ёсоор зарлахаар төлөвлөж байна хэмээн онцолжээ.

Хэт авианы пуужин нь дууны хурднаас 5 дахин болон түүнээс дээш хурдтай жигд бус тойргоор нисдэг тул ердийн радараар илрүүлэхэд хэцүүн дээр таслан зогсооход хүндрэлтэй байдаг аж.

Хятад улс 2021 онд хэт авианы пуужинг амжилттай хөөргөж байсан бол ОХУ Украины дайнд энэ төрлийн пуужинг ашиглаж байгаа бөгөөд Умард Солонгос ч мөн тив алгасагч баллистик пуужингийн туршилтыг хийсээр байгаа билээ.

Эх сурвалж: MBC