Даваа гарагт Ройтерс агентлагаас мэдээлснээр олон улсын зах зээлд газрын тосны үнэ өсжээ. Үүнд нөлөөлсөн гол хүчин зүйл нь Саудын Араб болон ОХУ газрын тосны экспортын хэмжээгээ бууруулснаар олон улсын зах зээлд газрын тосны нийлүүлэлт багассан юм.
Газрын тосны үнийн хувьд өнгөрөгч долоо хоногоос хойш буурч байгаа билээ.
Улмаар Ройтерс агентлагаас мэдээлснээр даваа гарагт Брент Крюдын нэг баррель газрын тосны үнэ 61 центээр өсөж, 85.41 ам.доллар болсон байна. Харин Уэст Техас Интермедиатын нэг баррель газрын тосны үнэ 63 центээр өсөж, 81.88 ам.доллар болжээ.
Эх сурвалж: The Reuters