Мягмар гарагт ОХУ-ын Хөдөө аж ахуйн яамнаас ОХУ-д талхны үнэ огцом өссөн тухай мэдээллийг үгүйсгэжээ. Тэдний мэдэгдсэнээр талхны үнэ цаашид ахин өссөн ч инфляцын түвшнийг давахгүй гэсэн байна.
Улмаар яамнаас үзэж байгаагаар ОХУ-ын энэ онд хураах ургацын хэмжээ тэдний дотоодын эрэлтийг хангалттай давах гэнэ.
Мөн хүнсний зэрэглэлийн улаан буудайны үнийн хувьд өнгөрөгч оны мөн үеийн үнэтэй харьцуулбал харьцангуй буурсан үзүүлэлттэй байгаа ажээ.
Тийнхүү Хөдөө аж ахуйн яамнаас хэлж байгаагаар үр тарианы үнийн ялимгүй өсөлт гурилан бүтээгдэхүүнүүдийн эцсийн үнэд нөлөөлөх хэмжээнд хүрээгүй гэсэн юм. Харин талхны үнийн өсөлтөд нөлөөлсөн хүчин зүйлс нь тог цахилгаан, ложистик, үйлдвэрийн тоног төхөөрөмжийн үнийн өсөлт гэжээ.
Эх сурвалж: ТАСС