Мягмар гарагт BBC сувгаас мэдээлснээр Reddit платформ топ хэрэглэгчдэдээ мөнгө төлдөг болох төлөвлөгөөгөө танилцуулжээ. Улмаар төлөвлөгөө АНУ-ын хэмжээнд энэ мягмар гарагаас эхлэн хэрэгжих болсон байна.
Төлөвлөгөөг тодруулбаас, Reddit платформ орлогынхоо тодорхой хувийг “алтан медальт” хэрэглэгчидтэйгээ хуваах гэнэ. Харин “алтан медальт” хэрэглэгчдийг хэн тодруулах вэ? гэвэл, хэрэглэгчид 1.99-49 ам.долларын төлбөр төлж, өөрсдийн дэмжихийг хүссэн хэрэглэгчээ “алтан медальт” хэрэглэгчээр нэрлэх бөгөөд төлбөрийн тал хүртэлх хувь нь “алтан медальт” хэрэглэгчдэд очих ажээ.
Reddit платформын хэрэглэгчдийн хувьд “алтан медальт” хэрэглэгч гэдэг ойлголт одоо л гарч ирж байгаа зүйл биш хэдий ч тэд одоогоос л уг медалийг бодит, мөнгөн үнэлгээтэй болгож байгаа нь энэ юм. “Алтан медаль”-ийг ийн үнэлэхээс өмнө тус медалийг хүртсэн хэрэглэгчдийн хувьд 7 хоног тухайн платформыг ямар ч зар сурталчилгаагүй ашиглах, цаашлаад “платинум” хэрэглэгч болбол бүтэн сарын турш платформыг зар сурталчилгаагүй ашиглахад болзлыг хангасанд тооцогддог байжээ.
Эх сурвалж: BBC