Израилийн талаас Газын зурвас руу танктай дайрлаа.

• Энэ сарын 25-аас 26 руу шилжих шөнө Израилийн арми Газын хойд хэсэгт танк, бульдозер ашигласан “зорилтот довтолгоо”-г хийлээ.
• Хамасын талаас энэ сарын 7-ы өдөр Израиль улс руу агаарын дайралт хийснээс хойш Израиль улс Газын зурвас руу дайрч байгаа анхны тохиолдол энэ биш юм.
• Гэсэн хэдий ч Израилийн Батлан хамгаалах Хүчингээс мэдэгдэж байгаагаар энэ удаагийн дайралт нь урьд өмнөхөөс илүү хүчтэй болсон гэсэн бөгөөд байлдааны дараагийн үе шатанд бэлтгэж буй хэрэг гэжээ.
• Мөн тэдний хэлснээр Израилийн Батлан хамгаалах Хүчин өнгөрөгч шөнө Хамасын нийт 250 байнд цохилт өгсөн гэсэн юм.

Газын зурвас дахь түлш дуусаж байна.

• НҮБ-ын зүгээс Газын зурваст түлшний хямрал улам нэмэгдэж байгааг анхааруулсаар байна.
• НҮБ-ын Газын зурвас дахь палестинчуудыг төлөөлж буй байгууллагаас мэдээлснээр тэд багахан түлш олсон гэсэн бөгөөд түлшийг ус шүүж, цэвэршүүлэхэд ашиглана гэжээ.
• Мөн тэдний мэдэгдсэнээр талх барих зэрэг бусад хүмүүнлэгийн оролдлого зогссон гэсэн юм.
• Тэдний зүгээс өмнө нь лхагва гарагийн орой гэхэд Газын зурвас дахь тэдний үйл ажиллагаа зогсоно хэмээн анхааруулж байсан ч одоогоор үйл ажиллагаа нь үргэлжилж байгаа ажээ.
• Харамсалтай нь Израилийн талаас Газын зурвас дахь түлшний хямралын цар хүрээг няцааж байгаа бөгөөд Хамасыг амин чухал нөөцүүдийг нөөцөлж байгаа хэмээн буруутгаж байгаа юм.

Эх сурвалж: BBC