Өнгөрөгч аравдугаар сарын 7-ы өдөр Палестины исламист Хамас бүлэглэл Израиль улс руу агаараар довтолж, Газын зурваст Израилийн Батлан хамгаалах хүчин хийгээд Хамас бүлэглэл хоорондоо мөргөлдсөн билээ. Тэгвэл өнөөдөр буюу арваннэгдүгээр сарын 7-ы өдөр уг мөргөлдөөн тав дахь долоон хоногтоо үргэлжилж байна.

Улмаар Газын зурвас дахь нөхцөл байдалтай танилцсан НҮБ-ын ерөнхий нарийн бичгийн дарга Энтонио Гутерресийн мэдэгдсэнээр тухайн бүсийн нөхцөл байдал нь хүмүүнлэгийн хямралаас илүүтэй хүн төрөлхтний хямрал хэмээн тодорхойлсон юм.

Тийнхүү ноён Гутерресийн зүгээс Газын зурвасыг маш богино хугацаанд бага насны хүүхдүүдийн оршуулгын газар болж байна гэж анхааруулсан байна.

Хэвлэлийн бага хурлын үеэр түүний өгүүлснээр, “Өдөр бүр охид хөвгүүд зуу зуугаараа амиа алдаж, шархдаж байна. Тиймээс миний хувьд талуудад галаа нэн даруй зогсоохыг уриалж байна” гэжээ.

Гэвч түүний эл мэдэгдлийг дуулсан Израилийн Гадаад хэргийн сайд Эли Кохен түүнийг хурцаар шүүмжилсэн юм. Тодруулбал, тэрээр өөрийн X буюу хуучнаар Твиттер хуудаснаа, “түүнийг өөрөөсөө ичмээр юм” хэмээн нийтэлж, “Насанд хүрээгүй 30 гаруй израиль хүүхэд Газын зурваст хоригдож байна.Тэдэн дунд 2-4 насны хүүхдүүд ч байгаа бөгөөд хамгийн балчир нь 9 сартай хүүхэд бий. Тэд бүгд эцэг эхээ хүйтэн цуст аллагын хохирогч болохыг үзсэн.

Асуудал бол Газын зурваст байгаа Хамас бүлэглэл. Израилийн зүгээс энэхүү террорист байгууллагыг үгүйхийхээр арга хэмжээ авч байгаа нь асуудал биш” гэжээ.

Эх сурвалж: BBC